Претседавачот со ОБСЕ Дидие Буркхалтер го поддржа мировниот план на претседателот на Украина Петро Порошенко.
Буркхалтер во телефонски разговор со Порошенко изразил поддршка за мировната иницијатива на украинскиот претседател со цел смирување на ситуацијата во регионите на Доњецк и Луганск, а посебно ја поздравил одлуката за прекин на огнот.
Претседавачот со ОБСЕ го повикал Порошенко на конференција на Организацијата во Виена на 24 јуни.
Планот на Порошенко претходно го поддржа и претседателот на Русија, Владимир Путин. Тој ги повика завојуваните страни да запрат со непријателствата и да почнат преговори.