Прекинот на огнот во Украина во голема мерка се одржува, но ситуацијата се уште е нестабилна, изјави висок претставник од ОБСЕ.
– Генерално, примирјето се почитува, но се уште е нестабилно, изјави Томас Гремингер, актуелен претседавач со ОБСЕ која има 250 набљудувачи во Украина.
Гремингер најави дека следните денови ќе бидат од пресудно значење за ситуацијата во Украина.
Украинските сили соопштија денеска дека проруски активисти отворале оган врз нив во текот на ноќта на пет локации на исток во Украина. Засега нема извештаи за жртви во текот на ноќта.