Обединетото Кралство започна потрага по заложниците на Хамас

Од:

Обединетото Кралство денеска објави дека започнува со надзорни летови над Израел и Појасот Газа во потрага по заложници држени од Хамас.

Британското Министерство за одбрана објави дека авионите за надзор „ќе бидат невооружени, нема да имаат борбена улога и ќе имаат единствена задача да ги лоцираат заложниците“, пренесува Sky News.

„Само информациите поврзани со спасувањето на заложниците ќе бидат проследени до властите одговорни за спасување на заложниците“, се вели во соопштението на министерството, додавајќи дека летовите ќе се вршат над источниот Медитеран, вклучително и оние во воздушниот простор над Израел и Газа.

Министерството за одбрана соопшти дека владата на Обединетото Кралство „работи со партнери од целиот регион за ослободување на заложниците, вклучително и британски државјани, кои беа киднапирани“ во нападот на Хамас на 7 октомври.

„Безбедноста на британските граѓани е наш највисок приоритет“, се вели во соопштението на британското Министерство за одбрана.

Британската војска ги распореди своите сили во источниот Медитеран една недела по нападот на 7 октомври, кога авиони на РАФ и бродови на Кралската морнарица беа испратени во регионот.

Би можело да ве интересира

Гутереш: Убиството на повеќе од 100 Палестинци во Газа бара ефективна независна истрага

САД го блокираа соопштението во кое се обвинува Израел за смртта на повеќе од 100 убиени Палестинци

Горан Наумовски

Итна седница на Советот за безбедност на ОН поради масакрот во Газа

Бајден на средба со лидерите на Египет и Катар: Ни треба шестнеделен прекин на огнот во Газа

Двајца мажи се убиени денеска во престрелка на окупираниот Западен Брег

Горан Наумовски

Белата куќа за израелскиот смртоносен напад во Газа: Сериозен инцидент