Новиот лидер на австриските социјалдемократи Кристијан Керн денеска стапи на должност како канцелар на Австрија.
– Вие ќе преземете една важна, убава, но и тешка позицијата, со многу одговорности”, истакна на церемонијата во претседателската палата во главниот град Виена претседателот Хајнц Фишер.
50-годишниот Керн, досегашен директор на австриски железници, стана претседател на социјалдемократите и на владата по минатонеделната оставка на канцеларот и партиски лидер Вернер Фејман. Тој се повлече по неуспехот на партијата на првиот круг од претседателските избори. Кандидатот на социјалдемократите не успеа да се пласира во вториот круг, кој ќе се одржи оваа недела.