Проруските сепаратистички лидери и посредниците на Владата во Киев денеска во Доњецк почнаа нови консултации за прекин на огнот во источниот дел на Украина.
Сепаратистите преговараат со така наречената контакт група, во која се поранешниот украински претседател Леонид Кучма, рускиот амбасадор во Киев и претсатвници на Организацијата за безбедност и соработка во Европа (ОБСЕ).
Првиот круг од прерговорите беше во понеделникот и заврши со согласноста на сепаратистите за почитување на примирјето, што денеска истече.
Резултатите од вториот круг преговори ќе бидат објавени во текот на денот.