Нетанјаху го обвини шефот на Шин Бет за уцена

Од:

Израелскиот премиер Бенјамин Нетанјаху го обвини шефот на израелската безбедносна служба Шин Бет, Ронен Бар, за организирање „уцена“ откако поранешниот шеф на службата, Надав Аргаман, се закани дека ќе открие „се што знае за Нетанјаху ако го прекрши законот“.

Според „Тајмс оф Израел“, Нетанјаху со месеци се обидува да го отстрани Бар за да ја префрли одговорноста за неуспесите што го овозможија нападот на Хамас на 7 октомври на безбедносниот сектор, а не на политичкото раководство.

Бар дава отпор, верувајќи дека неговото заминување ќе му овозможи на Нетанјаху да назначи човек лојален на себе за шеф на Шин Бет. Планот за смена на Бар дополнително се усложнува со истрагата на Шин Бет и на полицијата за наводните врски меѓу некои советници на Нетанјаху и катарската влада.

Во интервју за израелскиот канал 12, Аргаман ја критикуваше одлуката на Нетанјаху да дозволи катарските пари да се слеваат во Појасот Газа почнувајќи од 2018 година, и покрај предупредувањата од безбедносните служби дека таквата политика може да има „сериозни последици“. Нетанјаху одговори со обвинување на Аргаман и Бар за уцена.

„Никогаш во историјата на Израел поранешен шеф на безбедноста не уценувал актуелен премиер на телевизија“, напиша Нетанјаху на X.

Би можело да ве интересира

Нетанјаху му рече на Трамп: Го поддржувам вашиот план, ако Хамас одбие, ние ќе ја завршиме работата

Нетанјаху го прифаќа планот на Трамп за завршување на војната

Горан Наумовски

Нетанјаху во ОН: Признавањето на Палестина е како да ѝ се даде држава на Ал Каеда веднаш до Њујорк

Нетанјаху го потсети ОН на нападот на Хамас врз Израел: „Ако се согласат со барањата, војната може да заврши“

Горан Наумовски

(ВИДЕО) Хаос во ОН: Стотина дипломати излегоа од салата поради говорот на Нетанјаху

Горан Наумовски

Вучиќ во Њујорк со Нетанјаху: Отворена темата за склучување договор за слободна трговија