Рускиот амбасадор во Обединетите нации, Василиј Небензја, денеска изјави дека американското вето на резолуцијата за прекин на огнот во Газа претставува „уште една црна страница во историјата на Советот за безбедност“.
– Тоа беше препишано од американската делегација, рече Небензја на седницата на Советот за безбедност на Обединетите нации.
Според него, САД ја следат истата цел како и Израел, кој, како што тврди, игра со времето за „целосно расчистување“ на Газа.
„Целата одговорност за последиците паѓа на Вашингтон, без разлика колку САД се обидуваат да го избегнат тоа, зборувајќи за нивните важни посреднички напори“, рече рускиот дипломат.
Тој рече дека Русија нема да се откаже и додаде дека барањето за итен прекин на огнот во Газа „останува императив“. Соединетите Држави денеска повторно ставија вето на предложената резолуција на Советот за безбедност на Обединетите нации за итен прекин на огнот во Појасот Газа, третпат откако избија борби околу палестинската енклава на 7 октомври.
Од 15 членки на Советот за безбедност на ОН, 13 гласаа за резолуцијата предложена од Алжир, додека Велика Британија беше воздржана.