Како одговор на нарушувањето на воздушниот простор на земјите членки на НАТО, Алијансата одлучи да ја започне операцијата „Источна стража“ за заштита на своето источно крило, соопшти попладнево генералниот секретар на Пактот, Марк Руте.
– Активностите ќе започнат во наредните денови и ќе вклучуваат низа мерки, изјави Руте на заедничката прес-конференција во седиштето на НАТО со врховниот командант на сојузничките сили во Европа, американскиот генерал Алексус Гринкевич.
Како што најави Руте во операцијата засега ќе учествуваат Велика Британија, Германија, Данска и Франција.
– Ќе ја браниме секоја педа од територијата на Алијансата, нагласи Руте.