Кол Томас Ален (31), осомничениот за пукањето на вечерата на дописниците од Белата куќа, беше изведен пред федерален суд во Вашингтон.
Обвинението му беше официјално прочитано, а денешното рочиште е процедурален дел од судскиот процес што го чека.
Тој беше обвинет по три точки:
„Обид за атентат врз претседателот на Соединетите Американски Држави, употреба на огнено оружје за време на кривично дело насилство и транспорт на огнено оружје во меѓудржавна трговија со намера за извршување кривично дело“.
BREAKING: Charges against WH Correspondents Dinner shooter, Cole Allen released:
Allen is facing three counts, including attempt to assassinate the president of the United States, transporting firearm across state lines and discharge of a firearm during a crime of violence.
— Ryan Fournier (@RyanAFournier) April 27, 2026
Федералната обвинителка Џослин Балантајн вели дека Ален преминал повеќе државни граници во обид да го убие претседателот на САД. Ален наводно имал пушка калибар 12, три ножа и друго оружје.
Рочиштето за притвор е закажано за четврток во 11 часот по источно време. Прелиминарното рочиште е закажано за 11 мај во 13:30 часот по источно време.
Ален не се изјаснил за обвиненијата.