Една жена почина, а петмина луѓе се повредени во нападот со нож во центарот на Лондон. Напаѓачот е уапсен.
Нападот се случи синоќа, кога маж со нож почна да ги боде луѓето кои поминувале по улица.
19 годишниот напаѓач е уапсен кратко време откако беше пријавен нападот и совладан со електрошок.
Полицијата во Лондон соопшти дека менталното здравје е “значаен фактор“ во овој напад но и дека “тероризмот“ останува предмет на истрага.
Во нападот се повредени уште тројца мажи и две жени, а нивната здравствена состојба засега е непозната.
Сведок кој се претстави како Мајкл, за “Дејли Мејл“ кажа дека видел жена на која крв и течела од грбот.
-Слушнав врисок, а потоа отидовме до паркот каде што видов девојка како лежи на земја, а крвта и течеше по грбот, рече сведокот кој додаде дека уште една евојка била повредена.
Според него, со двете жени биле и двајца мажи кои зборувала на шпански јазик.
По нападот на улиците на Лондон е зајакнато полициското присуство.