Најмалку пет лица загинаа, а 18 се повредени во денешните руски напади врз железничките објекти во Виничката област во Украина, соопшти локалното обвинителство.
– Во непријателското гранатирање загинаа пет лица, а 18 се ранети, се вели во соопштението на обвинителството.
Како што пренесе Бета, цел на ракетниот напад во утринските часови била „транспортната инфраструктура“ недалеку од градовите Жмеринка и Козјатин.
Виничката област се протега централно и западно во Украина.
Извор: МИА