Најмалку 30 цивили, меѓу кои и деца, се убиени во воздушен напад на украинската војска врз градот Горловка, во источна Украина изјави Едуард Басурин, заменик-командантот на силите на самопрогласената Доњецка Народна Република.
Басурин истакна дека голема штета е причинета на инфрастуктурата на градот, како и врз станбените објекти, додавајќи дека нападот се случил вчера прв пат од летото минатата година.
– Киев вчера попладне употреби воени авиони, прв пат од минатото лето и бомбардираше станбени квартови во Горловка, изјави тој.
Басурин изјави дека само една од бомбите од типот ФАБ-500 тежи 500 килогами и оти радиусот на ударот во густонаселените места не е помал од 200 метри.
Тој додаде дека украинската воена команда прв пат преземала тактика на нанесување слепи напади врз населени места.