Најмалку 24 лица се убиени при гранатирање на камион со повредени опозиционери во Доњецк, јави ИТАР-ТАСС, повикувајќи се на дописник на Петтиот канал, што се нашол на местото на несреќата.
Дописникот по телефон објаснил дека камионот бил цел на напад со гранати. Според него, сите што биле во камионот се загинати, а станува збор за најмалку 24 лица.
Информацијата за гранатирање на камион, што превезувал повредени луѓе во текот на борбите на аеродромот во Доњецк, е потврдена од прес-службата на самопрогласената Доњецка народна република.
Во меѓувреме во градот Мариупол било нападнато седиште на самопрогласената Доњецка народна република. Засега нема информации за жртви и повредени.