Егзодусот на илјадници Ерменци од Нагорно Карабах продолжува и денеска, речиси една недела по инвазијата на Азербејџан на оваа кавкаска енклава претежно населена со Ерменци, а за денеска во Брисел е закажана средба на претставниците на двете страни.
Во понеделникот вечерта, сепаратистичките власти известија за експлозија на складиште за гориво и побараа итна помош однадвор за справување со оваа катастрофа.
Според последните информации, во експлозијата загинале најмалку 20 лица. Повеќе од 200 се повредени.
„Бројот на повредени по експлозијата на складиштето гориво надминува 200. Повеќето се во сериозна или многу сериозна состојба“, изјави на социјалните мрежи офицерот за човекови права на самопрогласената република Гегам Степанјан.
Илјадници жители на Нагорно-Карабах веќе се засолниле во Ерменија, и покрај ветувањето на Азербејџан, откако во понеделникот неговиот претседател Илхам Алиев, рече дека правата на Ерменците кои остануваат во енклавата освоена од нејзината армија ќе бидат „загарантирани“.
Алиев во понеделникот разговараше со неговиот турски колега, Реџеп Таип Ердоган, клучен играч во регионот, само неколку дена по убедливата победа на азербејџанските трупи против силите на самопрогласената „република“ Нагорно-Карабах, регион претежно населен со Ерменци. припоен кон Азербејџан од Советите во 1921 година.
Европската унија во Брисел треба да ги прими високите претставници на Ерменија и Азербејџан. Двете поранешни советски републики се судрија воено од 1988 до 1994 година (30.000 мртви) и во есента 2020 година (6.500 мртви). Бројот на загинати во минатонеделната инвазија на гром е 200 мртви, објави ерменската страна.
Со состанокот во Брисел ќе претседава Симон Морду, главен дипломатски советник на претседателот на Европскиот совет, Шарл Мишел. Азербејџан и Ерменија, како и Франција и Германија, ќе бидат претставени од нивните советници за национална безбедност. Ќе учествува и специјалниот претставник на ЕУ за Јужен Кавказ, естонскиот дипломат Тоиво Клаар.