Невообичаено задоцнетата сезона на дождови предизвика големи штети во делови од северна Индија, а како последица на обилните врнежи изминатите 24 часа загинаа 18 лица, додека во прекин е наставата во неколку градови.
Жртвите настрадале во одделни несреќи, меѓу кои има и случаи на давење и на струен удар. Три лица загинале при уривање на зграда во Њу Делхи при силен дожд, но не е јасно дали дождот бил причина за уривањето.
Дождовите што не запираат и предизвиканите поплави минатиот месец создадоа хаос во индиските градови, вклучително и во технолошкиот центар Бенгалуру во јужна Индија и деловната област Гуруграм во близина на Њу Делхи.
Сезоната на дождови во Индија обично завршува во средината на октомври.
Инаку, квалитетот на воздухот во Њу Делхи е значително подобрен благодарение на врнежите за време на викендот.
Извор: МИА