Во лавина во индискиот дел на Кашмир загинаа најмалку 11 лица, од кои едно е двегодишно дете, соопштија локалните власти.
Од лавината биле затрупани два автомобила. Лавината паднала во реонот на Садха Топ во округот Купуара, а екипи на полицијата, армијата и спасувачките служби извадиле 11 мртви тела, меѓу кои пет жени и двегодишно дете.
Спасувачите успеале безбедно да спасат две деца.
Лавините се чести појави во хималајскиот реон Кашмир, кој е разделен меѓу Индија и Пакистан. Во 2012 година лавина во пакистанскиот дел на Кашмир уби 140 луѓе, вклучувајќи 129 војници.