Индискиот министер за внатрешни работи Сушикумар Шинд денеска изјави дека бројот на загинати луѓе во поплавите може да се искачи над илјада.
Тој наведе дека е можно е бројот на жртвите да биде над илјада, колку што загинаа во индиската држава Утараканд.
Армијата утрово ги прекина спасувачките операции откако лошото време ја намали видливоста. Повеќе од 10.000 луѓе се отцепени од светот, а најголемиот број се во градот Бадринат.
Излеаните води на реката Ганг однесоа илјадници куќи, помали згради, автомобили и полесни камиони.
Интензитетот на монсунските дождови, кои врнат веќе цела недела денеска ослабна, но веќе од следната седмица се очекуваат нови обилни врнежи.
Индиската Влада реши да исплати отштета од по 3.400 американски долари на семејствата за секое загинато лице при поплавите и по 840 долари на секој повреден, а вети и помош за семејствата кои ги загубија домовите при оваа елементарна непогода.