Официјални лица во Њујорк и Вашингтон преземаат безбедносни мерки на претпазливост во случај потенцијалното обвинение против поранешниот претседател Доналд Трамп да доведе до масовни протести.
Во Њујорк, каде што се состанува големата порота како дел од истрагата за наводната улога на Трамп во исплатата на тајните пари на порно актерката Сторми Даниелс, се очекува сите полицајци во градот да бидат во униформа и подготвени да се распоредат, според информации на CNN добиени од анонимен извор.
Трамп очекува денеска да биде уапсен во случајот што го покрена окружното обвинителство на Менхетен и ги повика своите поддржувачи на протести.
Ако навистина биде уапсен, тоа ќе биде прв пат во американската историја поранешен претседател да биде обвинет за кривично дело.