Вкупно 32 лица осомничени за соработка со руските разузнавачки служби во организирање саботажи и напади се приведени денес во Полска, изјави премиерот на таа земја, Доналд Туск.
Туск рече дека „овие сомневања се основани“, пренесува ПАП.
Како што наведе, меѓу приведените осомничени има државјани на Полска, Русија, Украина, Белорусија и Колумбија.
Зборувајќи за случајот на Колумбиец (27), обвинет за подметнување два пожари во Полска, Туск нагласи дека работата на обвинителството и полските служби уште еднаш потврди дека обидите за саботажа биле извршени и по директни наредби на руските служби.