Најмалку 30 лица се убиени, а повеќе од 100 се повредени во вооружени судири меѓу локалните милиции и племиња во градот Сведа, во јужна Сирија, соопшти денес сириското Министерство за внатрешни работи.
Судирите, според Ројтерс, избувнале во градот, кој е претежно населен со друзи, а според сегашните податоци, бројот на жртвите би можел да биде поголем.
Министерството соопшти дека безбедносните сили ќе интервенираат директно за да ги прекинат судирите и да го вратат мирот и редот во областа.