Генералниот секретар на НАТО, Марк Руте, денес изјави дека на Украинците мора да им се обезбеди сè што им е потребно за да ја продолжат борбата и да ги бранат не само фронтовските линии, туку и градовите и цивилите.
Тој на Минхенската безбедносна конференција рече дека за време на неговата неодамнешна посета на Украина, луѓето му рекле дека „никогаш нема да се предадат“.
„За да останеме силни во оваа борба, мора да разбереме дека Русите не победуваат, бидејќи тие остваруваат многу мал напредок, толку мал што е речиси незначителен“, рече Руте.
Зборувајќи за безбедносните гаранции на Украина по војната, тој повтори дека има „голема промена во начинот на размислување во рамките на НАТО“, бидејќи „Европејците преземаат поголема одговорност за сопствената одбрана“.
Тој истакна дека е клучно да се обезбеди претседателот на Русија, Владимир Путин, „никогаш повеќе да не се обиде да изврши инвазија“.