Претседателот на Франција, Емануел Макрон го именуваше лидерот на централната партија Франсоа Бајру за нов француски премиер за да стави крај на повеќемесечната политичка криза.
Бајру, сојузник на Макрон, е градоначалник од југозападна Франција и го предводи Демократското движење (MoDem).
Пред да биде објавена веста за неговото назначување, двајцата политичари поминаа речиси два часа во, како што го опишаа француските медиуми, тензичен разговор.
Претседателот сега има задача да обезбеди Бајру да остане на премиерската функција подолго од неговиот претходник.
Мишел Барние, поранешниот преговарач за Брегзит, беше сменет пред девет дена.
Макрон е на половина пат од вториот претседателски мандат, а Бајру ќе биде негов четврти премиер оваа година.
Франција дојде во политички ќорсокак откако Макрон ненадејно распиша парламентарни избори за летото.
Истражувањето на јавното мислење за BFMTV во четвртокот откри дека 61 отсто од француските гласачи се загрижени за политичката ситуација.
Мануел Бомпар, лидер на радикалната левичарска партија Неосвоена Франција, рече дека тоа е „патетичен спектакл“.
Макрон вети дека ќе остане претседател до крајот на неговиот мандат во 2027 година и покрај смената на Барние минатата недела.