Францускиот претседател Емануел Макрон ги повика гласачите да се соберат зад „републиканските и демократски“ кандидати во вториот круг следната недела по изборниот дебакл.
Макрон разговараше за новинската агенција АФП веднаш по објавувањето на предвремените излезни анкети. Воедно, францускиот претседател го поздрави високиот одѕив на гласачите во денешниот прв круг.
Националниот собир предводен од Марин Ле Пен и Џордан Бардела, да потсетиме, на вонредните парламентарни избори според првите излезни анкети освои околу 34 отсто од гласовите.
Втор е левичарскиот Нов народен фронт со 28,1 отсто од гласовите, додека коалицијата на Макрон е на трето место со 20,3 отсто.