Украинската армија денеска соопшти дека во судирите со проруските сили во изминатите 24 часа погинале тројца нејзини војници, додека деветмина биле ранети.
– Во вооружените судури во изминатите 24 часа погинаа тројца украински војници, изјави портпаролот на украинската војска Андреј Лисенко, додавајќи дека уште девет војници се ранети.
Тој изјави дека проруските сили се се поактивни во регионот на Доњецк, каде неделава настрадале седум цивили во предградие на Мариапуљ, на брегот на Азовско Море, што се наоѓа под контрола на украинската Влада.
Лисенко, исто така, изјави дека Киев не забележал позначајно повлекување на руските војници од украинската граница, иако рускиот претседател Владимир Путин минатиот викенд издаде наредба за нивно повлекување во базите.
– Ние немаме информација дека голем број руски војници кај границата се повлекуваат на своите редовни локации. Имаше извесно движење, но не видовме повлекување, додаде тој.