Лидерите на Г-8, кои заседаваат во Северна Ирска, се подготвени, денеска, на крајот на самитот, да потпишат декларација за Сирија без Русија, пред се, заради длабоките разлики меѓу Западот и Москва, открија британски официјални претставници, цитирани од француските медиуми.
Декларацијата ќе опфати пет точки: пристапот на хуманитарна помош до Сирија, борбата против екстремизмот, отфрлање на употребата на хемиски оружја, барање демократски преод според либискиот модел и создавање извршна власт по овој преод.
Оваа декларација „ќе може да се реализира доколку Русија е подготвена да се ангажира во рамки на една меѓународна организација како Г-8“ за прашањето за Сирија, објасни еден од изворите.
Можно е текстот на декларацијата да биде потпишан само од лидерите на САД, Велика Британија, Франција, Јапонија, Италија и Канада.
Дебатите на вчерашниот прв ден од средбата на врвот на Г-8 ги потврдија длабоките разлики меѓу овие земји и Русија, која е главниот сојузник на режимот на сирискиот претседател Башар ал Асад.