Рускиот министер за надворешни работи Сергеј Лавров му рекол на својот ирански колега Хосеин Амир Абдолахиан дека западните медиуми започнале кампања. Како што наведе, кампањата може да предизвика ескалација на тензиите во Заливот, соопшти денеска руското Министерство за надворешни работи.
Во телефонски разговор со својот ирански колега, Лавров ја коментираше „штетноста на информативната кампања што ја започнаа западните медиуми“, пренесе „Ројтерс“.
Лавров му рекол на својот ирански колега дека таквите акции може да доведат до опасна ескалација на тензиите во стратешки важниот регион.
Претставник на Белата куќа претходно денеска објави дека Вашингтон изразил загриженост поради иранските закани за Саудиска Арабија и му рекол на Техеран дека САД нема да се двоумат да реагираат доколку е потребно.
Изјавата на официјалниот претставник дојде откако „Волстрит журнал“ објави дека Ријад споделил разузнавачки информации со предупредувањето на САД за потенцијален ирански напад врз цели во Саудиска Арабија.