Рускиот министер за надворешни работи Сергеј Лавров изјави денеска дека војната во Украина може да заврши „кога Америка ќе ги напушти своите сојузници, исто како што направи во Авганистан“.
Како што јави руската режимска новинска агенција Тас, Лавров ова го изјави во интервју за ТВ каналот Царград. Шефот на руската дипломатија рече дека САД „ги напуштија авганистанските лидери на кои се потпираа за време на 20-годишната окупација на таа земја“.
„Се надевам дека современите политичари обрнуваат внимание на историјата. Политиколозите пишуваат многу за тоа. Тие предвидуваат дека ова ќе трае се додека им требаат на Американците. Овие луѓе (владата во Киев, оп.а.) ќе бидат на власт се додека на Америка и требаат, рече Лавров.