Минатата ноќ беше една од најстудените во Москва од почетокот на летото, со температура што падна на девет степени Целзиусови, објави Михаил Леус, водечки специјалист во метеоролошкиот центар Фобос.
– Со делумно облачно небо и студени воздушни маси што продолжуваат да се движат кон центарот на европска Русија, ноќта во руската престолнина беше една од најстудените од почетокот на летото. Според метеоролошката станица во градот, минималната температура беше 9,7 степени Целзиусови, најниска температура за јули и август, напиша Леус на својот Телеграм канал, пренесува РИА Новости.
Како што најави, претстојната ноќ нема да биде потопла.
Москва е погодена од неколку топлотни бранови од јуни, а последниот интензивен топлотен бран е регистриран на крајот од првата декада од август, при што дневните температури достигнаа локални максимуми од 32 до 33 степени Целзиусови, што предизвика портокалово временско предупредување.
Јули 2026 година беше најтопол во Русија откако започнаа редовните метеоролошки набљудувања во 1891 година.