Државниот секретар на Министерството за животна средина Филип Куфа утрово на Фејсбук напиша дека премиерот Роберт Фицо е во стабилна состојба.
Фицо е свесен по операција која траела неколку часа, јави утрово германската новинска агенција Дпа.
Дпа наведува дека локалните медиуми немаат други нови информации за здравствената состојба на Фицо. Претходно вчера вечер, според официјалните информации, животот на 59-годишниот маж бил во опасност. Оттогаш нема ново соопштение или објаснување од Владата, а вицепремиерот Томаш Тараба за Би-Би-Си изјави дека неговиот живот повеќе не е во опасност.
„Бев многу шокиран… за среќа, колку што знам, операцијата помина добро – и претпоставувам дека ќе преживее на крајот… во моментов не е опасно по живот“, рече Тараба.