Северно од Доњецк утрово се слуша артилериска стрелба и се гледа црн облак од чад – пренесува Ројтерс.
Гранатите кои паѓаат на Доњецк доаѓаат од подрачјето во близина на аеродромот кој е под контрола на украинските сили. Припадници на проруските сили за Ројтерс изјавиле дека аеродромот сега е празен а борби се водат за контрола над блиска воена база.
Ова е второ кршење на примирјето кое на 5 септември се потпиша во Минск – синоќа во Мариопољ на границата со Русија имало артилериски оган.