Претставниците на Социјалдемокртската партија на Австрија (СПО) одлучија Кристијан Керн да биде иден лидер на партијата и канцелар на Австрија.
Привремениот лидер на СПО и градоначалник на Виена, Михаел Хојпл изјави дека одлуката е донесена пред состанокот со шефовите на покраинските одбори на СПО во Виена. Тој додаде дека формалната одлука ќе биде донесена во вторник на седница на Претседателството на СПО.
Од новиот лидер на СПО се очекува обединување на сите групации во партијата.
Претседателите на покраинските одбори на СПО денеска одржаа состанок зад затворени врати, по неочекуваната оставка на лидерот Вернер Фајман.