Иднината на Западен Балкан е во Европската Унија, изјави денеска претседателот на Европскиот совет, Антонио Кошта во пресрет на самитот ЕУ-Западен Балкан на 18 декември во Брисел.
На социјалната мрежа Х, Кошта истакна дека проширувањето на ЕУ кон Западен Балкан е „најважната геополитичка инвестиција што можеме да ја направиме“.
„Во овие неизвесни времиња, повеќе од кога било мораме да работиме заедно. Со нетрпение го очекувам нашиот самит ЕУ-Западен Балкан на 18 декември во Брисел“, рече Кошта.