На крајбрежјето на Северното море водата исфрли „значајна количина“ на кокаин, соопшти данската полиција.
Поради истрагата на европско ниво, која е во тек, полицијата не соопшти повеќе детали.
Портпаролот на полицијата, Ханс Рост изјави дека е можно дрогата да ја исфрлила морската струја од голема одалеченост и веројатно е наменета за данскиот пазар.
Тој нагласи дека германската полиција пронајде слични пакувања, кои биле спакувани во кеси и кутии.
Не сакаше да ги коментира мислењата на локалните медиуми дека на крајбрежјето на Данска, се наоѓале 100 килограми наркотици.