Грузискиот премиер Иракли Кобахидзе изјави дека „либералниот фашизам“ нема шанси за победа во земјата и дека неговата влада има „многу важна национална мисија“ конечно да ја прекине истата.
На прес-конференција, Кобахидзе рече дека „богатите“ невладини организации и четири домашни опозициски партии – Движењето за национално единство, Коалицијата за промени, Силна Грузија и Гакарија за Грузија – се „главните дистрибутери на пропагандата на либералниот фашизам“ во земјата.
„Тогаш болшевиците дејствуваа со исти методи. Тоа се случи пред точно еден век, а денес либералниот фашизам ги користи истите методи. За нив ниту мајка, ниту син, ниту старец, ниту дете, ниту татковина, ниту Господ, и ништо не постои“, изјавил Кобахидзе.