Претседателот на Украина Петро Порошенко побара од министерот за надворешни работи Павел Климкин да ја информира Москва дека на територијата на Украина за граѓаните на Русија нема да можат да бидат одржани избори за руската Државна дума, закажани за 18 септември, соопшти прес секретарот на украинскиот претседател Свајатослав Цеголков.
Причините поради кои не се дозволува изборниот процес Киев не ги објасни, пренесува Спутник.
Заменикот министер за надворешни работи на Русија Григориј Карасин изјави дека Москва од Киев очекува официјално објаснување за ваквите наводи во медиумите.
Членот на руската Централна изборна комисија Василиј Лихачев изјави дека на територијата на Украина е предвидено да се отворат четири изборни места, во Киев, Харков, Одеса и Лавов.