Протоколот за прекин на огнот на исток во Украина, што вчера беше потпишан во Минск, засега го почитуваат и Киев и проруските сили, јавуваат западни и руски медиуми.
– Украинските сили прекинаа со огнот на исток во државата во 18 часот по локално време, соопшти претставникот на Националниот совет за безбедност на Украина, Андреј Лисенко.
Руските медиуми пренесоа изјави на локални команданти од проруските сили од Доњецката народна република дека прекинале со нападите.
Протоколот за прекин на огнот на исток во Украина го потпишаа во Минск претставници на Украина и на самопрогласените Доњецка и Луганска народна република.