Карл Билд не доби дозвола да ја посети Тимошенко

Од:

Шефот на шведската дипломатија Карл Билд не доби дозвола да оствари средба со поранешната украинска премиерка Јулија Тимошенко, која се наоѓа на издржување на затворска казна во женскиот затвор „Качановски“ во Харковската област.

Неодобрување на средбата е вознемирувачко, кога станува збор за развојот во Украина, вели Карл Билд.

Тимошенко има можност да покани лица што ќе ја посетат во затворот четири пати месечно, поради што сакаше да оствари средба со Карл Билд, кој вчера се наоѓаше во посета на Украина.

Зборував со украинскиот министер за надворешни работи и јасно му ставив до знаење што мислиме за постапката од страна на украинските власти. Тоа, благо речено, е чудно, потенцира Билд.

Карл Билд вчера, заедно со други претставници на ЕУ, учествуваше на една политичка конференција во Украина, при што имаше средба и разговори со украинскиот претседател Виктор Јанукович.

На средбата со Јанукович се изнесени критики против селективната правда и лошото спроведување на судски процеси во Украина, јавија шведски медиуми.

Третманот на Јулија Тимошенко претставуваше пречка во преговорите околу спогодба меѓу ЕУ и Украина.

Би можело да ве интересира

Украина и Русија денеска разменија 95 воени заробеници

Украина и Чешка се договорија за изградба на фабрика за муниција во Украина

Аларм во Полска: Сојузничките земји по втор пат подигнаа авиони во последните 24 часа

Горан Наумовски

(ВИДЕО) Огромен руски напад, 20 мртви во неколку градови, погодена детска болница во Киев

Горан Наумовски

Тешка сообраќајна несреќа во Украина, 14 загинати

Кремљ: Ердоган не може да биде посредник во разговорите меѓу Русија и Украина