Високиот претставник на ЕУ за надворешна политика и безбедност Каја Калас денеска изјави дека Западен Балкан е исклучително важен регион за ЕУ и истакна дека Европската комисија сака да види вистински напредок во процесот на проширување во следните пет години и подготвени да работат на тоа.
„Западен Балкан е исклучително важен регион за ЕУ, тие и припаѓаат на Европа географски, затоа е многу важно да напредуваме во нашите односи“, изјави Калас за новинарите по пристигнувањето на Самитот ЕУ-Западен Балкан во Брисел.
Калас додаде дека за време на самитот ќе се разговара за Планот за раст на Западен Балкан, кој го нарече многу добар правен акт.
„Јасно е дека Комисијата, заедно со комесарот за проширување и јас, сакаме да видиме вистински напредок во процесот на проширување во текот на овие пет години од мандатот што го имаме, па затоа сме подготвени да работиме на тоа“, рече Калас.