Шефицата на европската дипломатија, Каја Калас, денес изјави, реагирајќи на критиките од американскиот министер за одбрана Пит Хегсет за европските воени трошоци, дека тоа може да се опише како „тешка љубов“, бидејќи неговиот говор содржеше и доста позитивни тонови за Европа.
„Сè уште е еден вид љубов, подобро е отколку никаква“, рече Калас во Сингапур, на форум посветен на одбраната, пишува Политико денес.
Хегсет претходно на конференција во Сингапур изјави дека САД ги охрабруваат своите сојузници во Европа да инвестираат повеќе во одбраната за да имаат подобра и поголема безбедност.