Централниот окружен суд во Сеул го осуди поранешниот јужнокорејски претседател Јун Сук-јеол на пет години затвор за попречување на властите во извршувањето на налогот за апсење во врска со неговиот неуспешен обид за прогласување воена состојба во декември 2024 година.
Судот, исто така, го прогласи Јун за виновен по дополнителни обвиненија, вклучувајќи фалсификување службени документи и непочитување на законската постапка за прогласување вонредна состојба, се вели во пресудата, емитувана во живо, објави Јонхап.
Ова е прва судска пресуда во кривична постапка против поранешниот претседател поради краткорочното прогласување воена состојба.