Премиерот на Луксембург Жан Клод Јункер денеска за последен пат ќе претседава со состанокот на министри за финансии со еврогрупата пред да стапи на функција неговиот најверојатен насленик – холандскиот министер за финансии Јерун Дајселблум.
Главна тема ќе биде прашањето на наследникот на Јункер за кој има само еден кандидат.
Се очекува на состанокот да се разговара и за формалното барање на Кипар за помош.
Германскиот министер за финансии Волфганг Шојбле во интервју за Цајтунг вели дека: Се уште сме далеку од одлука за пакетот помош за Кипар.
– Пред се, потребно е да утврдиме дали проблемите во Кипар се опасност за Еврозоната. Тоа е еден од предусловите за доделување пари од европскиот спасителен фонд, додава Шојбле.