Претседателот на Јемен, Абд-Рабу Мансур Хади денеска изјави дека побарал од САД да му испратат беспилотни летала за борба против Ал Каеда.
Тој истакна дека беспилотните летала се дел од соработката меѓу двете држави.
– Разговарав со американската администрација да ни помогне да набавиме беспилотни летала, посочи Хади, додавајќи оти тие се попрецизни од другите методи во борбата против тероризмот.
Тој наведе и дека 40 припадници на Ал Каеда се убиени во неодамнешните антитерористички операциии и вети дека борбата против исламистите ќе продолжи се додека тие не го предадат оружјето.