Поранешниот украински претседател Виктор Јанукович одлучи пред Европскиот суд да ги обжали санкциите што Европската унија ги воведе кон него.
ЕУ воведе санкции и против двајцата синови на Виктор Јанукович, кои како и други десетина украински лидери, ќе ги обжалат санкциите. Меѓу нив се и поранешниот украински премиер Микола Азаров и неговиот син.
На 6 март ЕУ ги замрзна банкарските сметки на 18 украински претставници од режимот на Јанукович. Тие се сомничат дека биле вмешани во извлекувања на пари од државните фондови во висина од околу три милијарди долари.