Руската воена авијација синоќа го наруши неколку пати украинскиот воздушен простор со една единствена цел да ја натера Украина да почне војна, изјави денеска во Рим украинскиот премиер Арсениј Јаценјук.
– Руските воени авиони синоќа седум пати го нарушија украинскиот воздушен простор, истакна Јаценјук на прес-конференција по аудиенцијата кај папата и по средбата со италијанскиот премиер Матео Ренци.
Во врска со киднапирањето на 13-те воени набљудувачи на Организацијата за безбедност и соработка во Европа од страна на проруски сепаратисти премиерот изјави дека тоа е уште еден доказ дека „самопрогласените мирни демонстранти со проруска ориентација во пракса се терористи“.
– Тоа е неверојатно и недозволиво. Ја повикуваме Русија да ги повлече своите сили за безбедност. Бараме од Русија да не остави на мира, додаде Јаценјук.
Русија, пак ги демантира тврдењата дека навелегла во украинскиот воздушен простор.
– Не се случило никакво нарушување на воздушниот простор на Украина од страна на руски воени авиони, соопшти руското Министерство за одбрана.