Жена од Масачусетс доживеала шок кога дошла во болница поради болки во гработ, а лекарите ја известиле дека е бремена! Но, тоа не било се`. Еден час по првиот шок уследил уште еден – родила!
„Во вторникот во 22.15 дознав дека сум бремена, а во 23.06 родив здраво девојче“, раскажала Кејти Кропас, пренесе Дејли Мирор.
Тврди дека не знаела дека е бремена.
„Мислев дека сум се здебелила, а тоа им го препишував на божиќните празници“, рекла жената која родила девојче тешко 4.5 килограми.
Лекарот од болницата Саут Шор објаснува дека и не е толку чудно жена која никогаш не била бремена да не знае дека е трудна бидејќи всушност не знае како треба да се чувствува.