Посредниците направија чекор напред кон постигнување договор за прекин на огнот меѓу Израел и палестински Хамас, како и за ослободување на заложниците во Појасот Газа и палестинските затвореници во израелските затвори, објавија денеска израелските медиуми.
Воениот кабинет на Израел одржа конференциски повик во саботата вечерта за да разговара за предложениот Париски договор, во кој Израел учествуваше со посредници од САД, Египет и Катар.
Неколку израелски медиуми, повикувајќи се на неименувани извори, објавија дека Израел премолчено го одобрил договорот и дека ќе испрати делегација во Катар на дополнителни разговори.