Израелските одбранбени сили (ИДФ) денеска ја потврдија смртта на својот припадник Оз Даниел, кој беше убиен во напад на Хамас на југот на Израел, по што неговото тело беше однесено во Појасот Газа.
Наредникот Оз Даниел (19) служел во 77-от баталјон на 7-та оклопна бригада, а неговата смрт неодамна ја прогласил главниот рабин врз основа на наодите и новите разузнавачки информации, објави „Тајмс оф Израел“.
Според израелските власти, се уште има околу 130 заложници киднапирани од Хамас во нападот врз Израел на 7 октомври во Појасот Газа.
Сепак, се верува дека најмалку 30 од нив веќе починале.