Израелските сили соопштија дека го убиле заменик-шефот на разузнавањето на Хамас, Шади Баруд, кој наводно бил одговорен за планирање на нападот на седми октомври.
На седми октомври, палестинската група Хамас изврши голем ненадеен ракетен напад врз Израел од Појасот Газа и ја проби границата, убивајќи и киднапирајќи околу 200 луѓе во соседните израелски заедници.
Израел започна одмазднички напади и нареди целосна блокада на Појасот Газа, дом на повеќе од 2 милиони луѓе, прекинувајќи го снабдувањето со вода, храна и гориво. Ескалацијата на конфликтот резултираше со илјадници убиени и повредени од двете страни.