Иран „покрена војна против Израел“ кога лансираше беспилотни летала и проектили кон Израел. Мораме да ги одвратиме, изјави за Sky News портпаролката на израелската амбасада во Лондон.
Орли Голдшмит тврди дека Иран се обидува да го нападне Израел во последните 45 години преку посредници – Хезболах, Хамас и Хутите.
– Иран го гледа Израел како западна земја која треба да се уништи, вели таа.
Голдшмит вели дека Иран „почна војна против Израел“ во саботата.
„Ги слушаме нашите сојузници и го земаме предвид она што го велат, но на крајот на денот ќе мора да се браниме од оваа иранска закана“, рече таа.
На прашањето како би можел да изгледа одговорот, тaa вели: „Нема да коментирам како ќе изгледа одговорот, но ќе кажам дека се разговара за сите опции, а воениот кабинет ќе одлучи кога е добро време да се дејствува.
„Тоа не е одмазда, ние не сме за одмазда, но сакаме да се увериме дека тие ќе бидат одвратени“, рече таа.