Израелските одбранбени сили денеска одржаа прес-конференција. Офицерот Даниел Хагари вели дека армијата е „подготвена на сите фронтови да ја зачува безбедноста на Израел“.
„Нашите сили ги прошируваат своите копнени операции. ИД оперира во сите димензии“, вели тој.
Зборувајќи за болницата Ал Шифа, за која ИД тврди дека се користи како штаб на Хамас, тој рече: „Ја изложивме подземната сфера Ќе продолжиме со нападите во и околу Газа“.
Портпаролот на израелската армија им порача на жителите на градот Газа да се преселат на југ. Тој вели дека војниците на ИДФ се во „висока готовност“ долж северната граница и дека силите „ги гаѓале терористичките ќелии“ преку неа.